ÞRÁINN VALUR HREGGVIÐSSON

Verkefnastjóri og markaðssérfræðingur hjá Verkís ehf.

Stjórnarmaður í Lífeyrissjóði Verkfræðinga frá september 2010

Stjórnarformaður frá maí 2011

2009 –                         VERKÍS hf.

Verkefnastjóri á byggingasviði / Sérfræðingur á deild Markaðar & Þróunar

2006 – 2009              VST hf. / HRV Engineering ehf.

Ráðgjafi / Framkvæmdastjóri

2003 – 2005              ALTA ehf.

Verkefnastjóri

2002 – 2003              Altech JHM hf.

Framkvæmdastjóri

1992 – 2002              ÍSKRAFT ehf.

Markaðsstjóri / Framkvæmdastjóri

1991 – 1992              HEWLETT-PACKARD Co., Corvallis, Oregon, USA

Verkfræðingur á framleiðslusviði

1988 – 1989              ÍSKRAFT ehf.

Innkaupastjóri

1987 – 1988              Verkfræðistofa Jóhanns Indriðasonar hf.

Ráðgefandi verkfræðingur

Orðspor Lífeyrissjóðs Verkfræðinga, Lífsverks, hefur á undanförnum áratug hvað eftir annað beðið hnekki fyrir ýmissa hluta sakir.  Lengi framanaf tókust sjóðfélagar á um útdeilingu lífeyrisréttinda, ávöxtun eigna sjóðsins hefur verið undir meðaltali allra lífeyrissjóða um árabil, sjóðurinn kom einstaklega illa út úr bankahruninu og umfjöllun um sjóðinn hefur oftar en ekki verið á neikvæðum nótum.

Markmið mitt með stjórnarsetu er að taka þátt í að endurreisa sjóðinn eftir hrun, ávinna honum aftur traust orðspor meðal sjóðfélaga og leggja grunn að stækkun hans með öflugri nýliðun og mögulega samrekstri eða sameiningu við aðra áhugaverða sjóði.  Ég bauð mig fyrst fram til stjórnarsetu á aðalfundi 2009 og var kjörinn aðalfulltrúi á aukaaðalfundi síðla árs 2010.  Þó að ýmislegt hafi áunnist í þessa átt frá þeim tíma má segja að húsið sé ennþá ekki nema hálfbyggt og margt eftir ógert enda er eðli lífeyrissjóða þannig að breytinga í stefnu og starfsháttum sér ekki stað á einni nóttu.  Á undanförnum 18 mánuðum hefur ýmsu verið breytt í innra starfi og stefnu, sjóðsins; hlutverk hafa verið skýrð, vinna við gerð fjárfestingarstefnu hefur verið betrumbætt, mörkuð hefur verið áhættustefna og greining einstakra fjárfestingartækifæra hefur verið bætt.  Í þessari vinnu hef ég tekið virkan þátt og leitast við að sinna því ábyrgðarstarfi sem stjórnarseta í Lífsverki er af fremstu getu.  Af því ég tel okkur enn eiga langan veg ófarinn að þeirri framtíðarsýn sem mótuð hefur verið og ég hef áhuga á að taka þátt í að fylgja markmiðum okkar enn betur eftir hef ég ákveðið að gefa kost á mér til áframhaldandi stjórnarsetu.