Lífsverk óskar eftir að ráða traustan og drífandi einstakling í starf áhættustjóra
Lífsverk lífeyrissjóður óskar eftir að ráða traustan og drífandi einstakling í starf áhættustjóra. Áhættustjóri ber ábyrgð á áhættustýringu sjóðsins auk þess að koma að greiningarvinnu og eftirfylgni á sviði eignastýringar.
Helstu verkefni og ábyrgð:
- Ábyrgð á starfssviði áhættustýringar
- Greining og mæling á áhættu í rekstri sjóðsins
- Skýrslugjöf um áhættu til stjórnar og eftirlitsaðila
- Mótun og umsjón með áhættustefnu og áhættustýringarstefnu
- Flokkun eigna, skýrslugjöf og skoðun fjárfestinga með tilliti til stefnu Lífsverks í ábyrgum fjárfestingum
- Eftirlit með mörkum og fylgni við fjárfestingarstefnu
- Umsjón með innra eftirliti hjá sjóðnum
- Eftirfylgni með óskráðum eignum
- Þátttaka í þróun og viðhaldi á skilvirku eftirlitskerfi fyrir áhættu í rekstri sjóðsins í samstarfi við stjórn og stjórnendur
Menntunar- og hæfniskröfur:
- Háskólapróf á sviði fjármála, verk- eða tölfræði, eða sambærileg menntun. Meistarapróf er kostur
- Haldgóð starfsreynsla í eignastýringu eða á fjármálamarkaði
- Greiningarhæfni og hæfni til að setja fram efni og niðurstöður í tölum og texta
- Frumkvæði, sjálfstæði, skipulagshæfni og öguð vinnubrögð
- Góð samskipta- og samstarfshæfni og jákvætt viðmót
- Góð færni í íslensku og ensku
Lífsverk er opinn lífeyrissjóður fyrir háskólamenntaða. Allir sem lokið hafa grunnnámi eða eru í námi á háskólastigi geta skráð sig í sjóðinn. Lífsverk var fyrsti lífeyrissjóðurinn sem byggði á aldurstengdum réttindum, tók upp sjóðfélagalýðræði og rafrænt stjórnarkjör. Sérstaða Lífsverks er m.a. hár ávinningur réttinda og val um leiðir fyrir skyldusparnað. Sjóðurinn hefur stækkað einna mest allra lífeyrissjóða frá árinu 2014.
Nánari upplýsingar um sjóðinn má finna á www.lifsverk.is.
Umsóknarfrestur er til og með 27. nóvember 2023. Umsókn þarf að fylgja starfsferilskrá og ítarlegt kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Farið verður með allar fyrirspurnir og umsóknir sem trúnaðarmál og þeim svarað að ráðningu lokinni. Hægt er að sækja um starfið á heimasíðu Intellecta
Nánari upplýsingar um starfið veitir Helga Birna Jónsdóttir (helga@intellecta.is) og Thelma Kristín Kvaran (thelma@intellecta.is) í síma 511 1225.