Stjórn Lífsverks hefur ákveðið að lækka lántökugjöld á lánum til sjóðfélaga, sem hér eftir verða 50.000 krónur óháð lánsfjárhæð í stað 1,0% af lánsfjárhæð sem verið hafði áður.

Yfirlit um lífeyrisréttindi og sundurliðun iðgjalda fyrir fyrri hluta ársins 2016 hafa nú verið send til sjóðfélaga. Við minnum á mikilvægi þess að bera saman launaseðla og iðgjaldagreiðslur og koma athugasemdum á framfæri við sjóðinn eða launagreiðanda ef misræmi er að finna.

Í lok september upplýsti Hagstofan að mistök hefðu verið gerð við útreikning neysluvísitölu í mars. Mistökin voru leiðrétt í september og hækkaði vísitalan þá um 0,27% milli mánaða umfram það sem annars hefði verið. 

Hrein eign Lífsverks 30.júní 2016 nam 68,8 milljörðum króna.

Fjárfestingarumhverfi lífeyrissjóðanna var erfitt á fyrri hluta ársins 2016 og dró úr ávöxtun sjóðanna eftir góð undanfarin ár. Lækkun var á innlendum skuldabréfa- og hlutabréfamarkaði og styrking á gengi krónunnar hafði neikvæð áhrif á erlendar fjárfestingar. Þrátt fyrir þetta erfiða umhverfi var ávöxtun samtryggingardeildar Lífsverks jákvæð á tímabilinu. Nafnávöxtun fyrstu sex mánuði ársins var 1,6% og raunávöxtun 0,2%. Til samanburðar var nafnávöxtun 5,6% fyrir sama tímabil 2015 og raunávöxtun 3,8%.

 

Fjármála- og efnahagsráðuneytið hefur nú staðfest breyttar samþykktir Lífsverks lífeyrissjóðs, sem samþykktar voru á aðalfundi sjóðsins í apríl sl. Samkvæmt nýju samþykktunum geta nú allir sem lokið hafa grunnnámi frá viðurkenndum háskóla orðið sjóðfélagar en áður voru inngönguskilyrði bundin við grunnnám í raungreinum og meistaragráðu í öðrum háskólagreinum.

Mótframlag launagreiðanda í lífeyrissjóð hækkar í 8,5% frá og með júlímánuði samkvæmt kjarasamningi ASÍ o.fl. við Samtök atvinnulífsins.

Landssamtök lífeyrissjóða hafa sent frá sér 6. tbl. af veffréttablaðinu Vefflugan.
Þar má finna margvíslegar upplýsingar um lífeyrismál ásamt starfsemi lífeyrissjóðanna.

Þann 25. apríl síðastliðinn féll dómur í Héraðsdómi Reykjavíkur í máli Lífsverks lífeyrissjóðs („Lífsverk“) gegn Vátryggingafélagi Íslands hf. („VÍS“) og fyrrum stjórnendum sjóðsins.
Mál þetta höfðaði Lífsverk á hendur framangreindum aðilum vegna fjárfestinga sem stjórnendurnir tóku ákvarðanir um  á árinu 2008. Niðurstaða Héraðsdóms Reykjavíkur var Lífsverki í vil og voru stefndu dæmdir til að greiða Lífsverki skaðabætur.

Aðalfundur Lífsverks var haldinn 19. apríl sl. og var vel sóttur af sjóðfélögum.

Aðalfundur Lífsverks lífeyrissjóðs verður haldinn í Verkfræðingahúsi, Engjateigi 9, Reykjavík, þriðjudaginn 19. apríl kl. 17:00. Dagskrá fundarins verður sem hér segir:

Ávöxtun Lífsverks var góð á árinu 2015 þegar tekið er mið af áhættustigi fjárfestingarleiða sjóðsins og fjárfestingarmöguleikum á markaði.
Allar leiðirnar skiluðu jákvæðri nafn- og raunávöxtun á árinu.

Tvö framboð bárust um setu í aðalstjórn Lífsverks og hefur kjörnefnd úrskurðað þau gild. Frambjóðendur eru Björn Ágúst Björnsson og Sverrir Bollason.

Athygli er vakin á því að frestur til að skila inn framboðum til aðalstjórnar sjóðsins er til 23. mars. Framboðum skal skilað til skrifstofu sjóðsins, b.t. kjörnefndar, ásamt minnst fimm og mest tíu meðmælendum úr hópi sjóðfélaga. 

Aðalfundur Lífsverks lífeyrissjóðs verður haldinn í Verkfræðingahúsi, Engjateigi 9, Reykjavík, þriðjudaginn 19. apríl kl. 17:00.

Frá og með 1. febrúar býður Lífsverk lífeyrissjóður sjóðfélögum óverðtryggð íbúðalán með 6,5% vöxtum og vextir af verðtryggðum lánum lækka í 3,5%. Til þess ennfremur að koma til móts við yngri sjóðfélaga er þeim sem eru að kaupa sína fyrstu íbúð veittur helmingsafsláttur af lántökugjöldum.