Breyting á lánareglum frá 1. október
Stjórn Lífsverks hefur ákveðið að hækka fjárhæð hámarkslána til sjóðfélaga, sem frá og með 1. október verður allt að 140 milljónir króna. Heildarfjárhæð grunnlána verður óbreytt, 70 milljónir króna, en fjárhæð viðbótarlána hækkar úr 30 milljónum í 70 milljónir króna. Viðbótarlán bera 1% hærri vexti en grunnlán sjóðsins.
Þá var sett in í lánareglur að veðhlutfall megi vera að hámarki 70% af síðasta birtu fasteignamati í stað gildandi fasteignamats, en stjórn var búin að ákveða þær breytingar fyrir nokkru.
Nokkrar aðrar breytingar voru gerðar á lánareglum, m.a. er hnykkt á því að ef lán frá öðrum lánveitanda en Lífsverki eru framar í veðröð, dregst fjárhæð þeirra frá hámarksfjárhæð grunnlána sjóðsins. Jafnframt er gerð krafa um 1. veðrétt fyrir Lífsverk eða samfellda veðröð, ef heildarveðsetning fer umfram 65% af síðasta birtu fasteignamati eða kaupsamningi.
Sjá má lánareglur sjóðsins hér: /sjodfelagalan/lanareglur/