Aukaaðalfundur 22. júní
Stjórn Lífsverks boðar til aukaaðalfundar fimmtudaginn 22.júní
kl. 17:00 að Engjateigi 9, Reykjavík.
Á dagskrá fundarins eru tillögur stjórnar um breytingar á samþykktum sjóðsins.
Tillögur stjórnar lúta annars vegar að ráðstöfun samkomulagsbóta frá VÍS en eins og kunnugt er náðust sættir í máli sjóðsins gegn tryggingafélaginu og fyrrum stjórnendum sjóðsins, vegna fjárfestinga sem stjórnendur tóku ákvarðanir um á árinu 2008. VÍS greiddi sjóðnum 835 milljónir króna og töldust það fullar sættir í málinu bæði hvað varðar tryggingafélagið og fyrrum stjórnendur sjóðsins.
Stjórn telur réttlætismál að þær skerðingar sem sjóðfélagar þurftu að una í kjölfar fjárfestinganna 2008 gangi nú að hluta til baka. Tillaga stjórnar er að andvirði samkomulagsbótanna að frádregnum kostnaði við málareksturinn komi til réttindaaukningar sjóðfélaga og lífeyrisþega í hlutfalli við réttindastöðu þeirra 1. september 2009.
Hins vegar leggur stjórn til breytingar á samþykktum vegna svonefnds SALEK samkomulags, þar sem kveðið var á um að mótframlag launagreiðenda á almennum markaði í lífeyrissjóð myndi hækka í áföngum úr 8% í 11,5% og að launagreiðendur gætu ráðstafað því iðgjaldi sem umfram er lögbundið lágmark í séreignarsparnað. Nauðsynlegt er að aðlaga samþykktir sjóðsins að þessum breytingum.
Nánari grein er gerð fyrir tillögu stjórnar hér